Германия банки Ўзбекистондаги лойиҳаларни молиялаштириш ҳажмини кенгайтиради

Ўзбекистон элчихонасида Германиянинг AKA Bank бош ижрочи директори Марк Венгрчик билан учрашув бўлиб ўтди.

Мулоқот аввалида AKA Bank вакили Ўзбекистонда амалга оширилаётган иқтисодий ислоҳотлар ва инвестиция муҳитини юқори баҳолади. Германиянинг етакчи молиявий институтларидан бири – AKA Bank Ўзбекистондаги қатор лойиҳаларни қўллаб-қувватлаш орқали икки томонлама иқтисодий алоқаларга ўз ҳиссасини қўшиб келаётгани таъкидланди.

Томонлар 2024-2026 йилларга мўлжалланган "Технологик шериклик ва саноат кооперацияси дастури" доирасида амалга оширилаётган ҳамкорлик алоқаларини янада чуқурлаштиришга тайёр эканини билдирди.

Ўзбекистон ва Германия ўртасидаги иқтисодий ҳамкорликни янада мустаҳкамлаш, хусусан янги лойиҳаларни қўллаб-қувватлаш ва уларни амалга ошириш имкониятларини муҳокама қилиш мақсадида ўзаро ташрифлар уюштириш бўйича келишувга эришди.

AKA Bank Ўзбекистоннинг турли тижорат банклари билан қатор соҳаларда, хусусан тўқимачилик ва кимё-саноати, хизмат кўрсатиш, туризм, тоғ-кон ва металлургия, шунингдек, муқобил энергетика каби устувор йўналишларда лойиҳаларни молиялаштиришда фаол иштирок этиб келмоқда.

https://dunyo.info/uzk/ekonomicheskaya-diplomatiya/v-posolstve-uzbekistana-obsuzhdeny-voprosy-finansirovaniya-nemeckim-bankom-proektov-v-tekstilnoy-i-gornodobyvayuschey-promyshlennosti-metallurgii-alternativnoy-energetike-i-drugih-napravleniyah