Трампга кўра, Мадриддаги Хитой-Америка савдо музокаралари яхши ўтган, ёшлар учун платформани сақлаб қолиш бўйича керакли келишувга эришилган. TikTokʼнинг хитойлик эгаси ўзининг Америкадаги операциялари учун харидор топиши керак. Акс ҳолда АҚШда тақиқланиши мумкин бўлган муддат яқинлашиб келмоқда.
Шу йилнинг январь ойида АҚШ Олий суди ўтган йил ишлаб чиқилган қонунни тасдиқлаган ва компания агар АҚШдаги операцияларни бермаса, илова Америка ҳудудида бутунлай тақиқланиши эслатилган.
АҚШ Адлия вазирлиги TikTokʼнинг америкалик фойдаланувчилар маълумотларига эга бўлиб туришини - “миллий хавфсизликка катта миқёсдаги таҳдид” деб билади.
ТikTok эса бир неча бор АҚШдаги операцияларида тўлиқ мустақил эканлигини ва Хитой ҳукуматига ҳеч қандай маълумот бериб турмаслигини таъкидлаган. Компанияга кўра, бу тақиқ АҚШдаги 170 миллион фойдаланувчиларнинг сўз эркинлиги ва маълумотлар ҳимоясини бузади.
Блоклаш қонуни кучга киргандан сўнг, январь ойида Трамп масалага аралашган ҳамда иловани блоклашни 75 кунга кечиктиришга рози бўлганди. Ўшандан бери охирги муддат уч марта узайтирилди ва сўнгги муддат этиб 17 сентябрь белгиланган.
Илгари платформанинг потенциал харидорлари сифатида турли шахслар, жумладан Tesla эгаси Илон Маск, бизнесмен MrBeast ва миллиардер инвестор Френк Маккурт кўрсатилган.
