Косовода сенсация, Франция очко йўқотди, Уэлсда каламуш ўйинни тўхтатиб қўйди

D гуруҳи

Юлдузларсиз ҳужум чизиғи

Украина – Озарбойжон 2:1
Голлар: Гуцуляк, 30 (1:0). Миколенко, 45+3 –автогол (1:1). Малиновский, 64 (2:1)
Украина: Трубин, Забарний, Матвиенко, Миколенко, Конопля (Михайличенко, 46), Малиновский (Шапаренко, 71), Очеретко (Бондаренко, 71), Ярмолюк (Бондар, 84), Волошин, Гуцуляк (Калюжний, 84), Довбик
Озарбойжон: Магомедалиев, Мустафозода, Кривоцюк, Бадалов, Жафаргулиев, Гусейнов (Алиев, 85), Маҳмудов, Ҳайбулаев (Ҳачаев, 90), Нуриев (Гурбанли, 61), Байрамов (Аҳмадзода, 84), Охундзода (Эмрели, 85)
Огоҳлантиришлар: Малиновский, 45. Михайличенко, 50. Бондаренко, 90 – Магомедалиев, 45

Озарбойжонликлар бу ўйинга саралаш турнири бошидан буён бирорта ғалабасиз ташриф буюрганди ва катта эҳтимол билан охирги тургача бу ўзгармай қолади. Украинлар Полшадаги ўйинда ишончли ғалабага эришди: Гуцуляк, Малиновский ва Миколенко гол уришди. Тўғри, уларнинг учинчиси ўз жамоаси дарвозасини ишғол этиб қўйди: у рақибнинг қанотдан узатмасини тўсишга уринганида муваффақиятсиз ҳаракат қилди. Номинал мезбонлар ўйиннинг қолган вақтида тотал устунликка эришишди.

Исландия – Франция 2:2
Голлар: Палссон, 39 (1:0). Нкунку, 63 (1:1). Матета, 68 (1:2). Ҳлинссон, 70 (2:2)
Исландия: Оулафссон, Гретарссон, Ингасон, Томассон (Торстейнссон, 62), Палссон, Йоҳаннессон (Тоурдарсон, 85), Ҳаралдссон, Эллертссон, Магнуссон (Видлюмссон, 45+2), Гудмундссон (Андерсон, 85), Гудйонсен (Ҳлинссон, 46)
Франция: Менян, Упамекано, Салиба, Дин, Кунде, Камавинга (Тюрам, 75), Коне, Товен (Аклиуш, 64), Нкунку (Коман, 74), Олисе, Матета (Экитике, 89)
Огоҳлантиришлар: Томассон, 60 – Камавинга, 56

Одатда Дешам ва «ротация» сўзлари бир-бирига тескари, аммо исландлар билан ўйинда французлар жамоаси бош мураббийи истисно қилишга мажбур эди. Дембеле, Дуэ, Барколя, Маркус Тюрам ортидан Мбаппе ҳам жароҳатланди. Натижада муҳим сафар ўйинида бошланғич таркибда ҳужум учлиги Товен, Матета ва Нкункудан иборат бўлди, ўйин давомида Аклиуш ҳам майдонда пайдо бўлди. Ва бу йигитлар ҳадеганда мезбонларни доғда қолдира олмасди: дарвозабон Рабн Олафссон бешта сейв амалга оширди, Менян эса дарвоза соҳасига тўғри борган иккита зарбани ҳам ўтказиб юборди.

Мезбонларнинг голлари орасида Нкунку ва Матета барибир ўз мақсадига эришди, аммо ҳисоб тенглашганидан кейин бошқа ўзгармади. Натижада французлар муддатидан олдин йўлланмани ҳал қила олмади, шу билан бирга, гуруҳда қизиқ интрига юзага келди, биринчи навбатда – иккинчи ўрин учун курашда. Украина ҳозирда Исландияни уч очколик фарқ билан ортда қолдирмоқда, лекин украинлар кейинги турда Франция билан, Исландии эса Озарбойжон билан ўйнайди, охирги турда эса ўзаро ўйин бўлиб ўтади (катта эҳтимол билан, ўша ўйинда ғолиб чиққан жамоа ўтиш босқичига йўл олади).

13 ноябр. Озарбойжон – Исландия, Франция – Украина.
16 ноябр. Озарбойжон – Франция, Украина – Исландия

A гуруҳи

Волтемаденинг биринчи голи

Шимолий Ирландия – Германия 0:1
Гол: Волтемаде, 31 (0:1)
Шимолий Ирландия: Пикок-Фаррелл, Макнэйр (Маршалл, 75), Ҳюм, Баллард, Гэлбрейт, Макканн (Смит, 75), Чарлз, Девенни, Спенсер, Прайс, Рид (Магеннис, 46)
Германия: Бауманн, Та, Шлоттербек, Раум, Киммих, Павлович (Антон, 86), Горецка, Гнабри (Андрих, 86), Адейеми (Байер, 64), Вирц (Баку, 90+2), Волтемаде (Буркардт, 90+2)
Огоҳлантиришлар: Рид, 28. Гэлбрейт, 45. Магеннис, 90. Чарлз, 90 – Адейеми, 62. Андрих, 90

Белфастдаги ўйин турнинг марказий баҳсларидан бирига ва пешқадамлик масаласи ҳал қилинган ўйинга айланди. Мезбонлар номдор рақибга жиддий кураш таклиф қилишди ва дарвоза соҳасига тўғри борган зарбалар сони бўйича устунликка ҳам эришишди. Аммо ўйиннинг 31-дақиқасида Ник Волтемаде яна ўзини кўрсатиб, бундестимдаги илк голини урди. Шундан кейин ҳам Германия кўпроқ ҳимояланди ва фақат қарши ҳужумларга таяниб ўйнади. Дарвозадаги Бауманн ҳам бир неча вазиятда қутқарди. Якунда минимал ҳисобдаги устунлик ва гуруҳ жадвалидаги пешқадамлик сақлаб қолинди.

Словакия – Люксембург 2:0
Голлар: Оберт, 55 (1:0). Шранц, 72 (2:0)
Словакия: Дубравка, Оберт, Шкриняр, Ганцко, Дембер, Дуда (Грошовски, 84), Риго, Беро, Гараслин (Сауэр, 83), Дюриш (Шранц, 70, Тупта, 74), Стрелец (Боженик, 83)
Люксембург: Мори, Корац, Махмутович (Селимович, 85), Бонерт, Янс, Мартинс, Баррейру, Дардари (С. Тилл, 80), Синани, Муратович (О. Тилл, 59), Олесен (Курчи, 59)
Огоҳлантиришлар: Дуда, 30 – Муратович, 43. Курчи, 83. Селимович, 86. Баррейру, 88

Люксембург ва Словакия ўйини эса икки томондан ҳам кулгили хатолар билан ёдда қолди. Аммо Дардари мезбонларни жазолай олмади, унинг яккама-якка вазиятга чиқиб бориб йўллаган зарбаси хато кетди. Люксембургликлар дарвозабони тўпни рақибга совға қилганида эса Дуданинг зарбаси устунга тегди. Лекин словаклар етакчиси иккинчи бўлимда айбини ювди. У бурчак зарбасини ижро этатуриб, кутилмаганда тўпни жарима майдонига ерлатиб етказди ҳамда Обертнинг ҳисобни очувчи голига ассистентлик қилди. Иккинчи бўлим давомида Шранц яқин бурчакка кучли зарба йўллаб, ўйин масаласини ҳал қилди. Люксембургликлар муносиб қаршилик кўрсатиб, рақиб дарвозасига етти бор зарба берди, аммо бу зарбаларга аниқлик етишмади. Энди Словакия худди Германия каби 9 очко тўплаб, фақат тўплар нисбатига кўра иккинчи ўринга жойлашган, аммо жамоанинг қолган икки турдаги рақиблари қийинроқ – аввалига уйда иккинчи ўрин учун рақобатчи Шимолий Ирландияга қарши, охирги турда эса сафарда фаворит Германияга қарши ўйинлар кутмоқда.

14 ноябр. Люксембург – Германия, Словакия – Шимолий Ирландия.
17 ноябр. Шимолий Ирландия – Люксембург, Германия – Словакия.

J гуруҳи

Қозоғистонда имкон қолмади

Уэлс – Белгия 2:4
Голлар: Родон, 8 (1:0). Де Брюйне, 18 – пеналти (1:1). Мене, 24 (1:2). Де Брюйне, 76 – пеналти (1:3). Бродҳед, 89 (2:3). Троссар, 90 (2:4)
Уэлс: Дарлоу, Дэвис (Бродхед, 71), Родон, Кабанго, Уильямс, Томас, Ампаду, Джеймс (Дасилва, 86), Брукс (Джонсон, 58), Уилсон, Харрис (Мур, 86)
Белгия: Куртуа, Дебаст, Теат (Мехеле, 81), Де Кейпер (Кастан, 60), Мене, Раскин, Онана (Ванакен, 70), Де Брюйне (Витсел, 81), Де Кетеларе (Фофана, 81), Доку, Троссар
Огоҳлантиришлар: Уилсон, 13. Дэвис, 51 – Мене, 64

Ўтган турда македонларни енга олмаган Белгия вазиятини оғирлаштирганди ва гуруҳдаги бошқа бир рақобатчиси Уэлс билан ўйиндан олдин иккинчи ўринга тушиб қолганди. Британлар эса дарҳол олдинга ташланди ва 8-дақиқадаёқ бурчак зарбаси амалга оширилганида жарима майдони ичида ёлғиз қолдирилган Родон ҳисобни очди. Аммо «қизил иблислар» тезда вазиятни ўнглади ва 24-дақиқага келиб ҳисоб 1:2 кўринишини олди. Аввалига Де Брюйне тўп Ампадунинг қўлига теккани учун белгиланган пеналтини аниқ ижро этди, олти дақиқа ўтиб уюштирилган ажойиб комбинациядан кейин меҳмонлар ҳисобда олдинга чиқиб олишди. Троссар майдоннинг иккинчи қисмидан туриб диагонал пас билан Докуни олдинга бошлади, у эса яқин «тўққизлик»ни ўққа тутган Менени голли пас билан таъминлади. Меҳмонлар дастлабки 45 дақиқаликдаги барча вазиятларидан фойдалана олганида, Кардиффдаги ўйинда йирик ҳисоб юзага келган бўларди.

Иккинчи бўлимда майдонга чиқиб келган каламуш ҳам мезбонларга ёрдам бера олмади.

Кемирувчи бутун майдон бўйлаб ҳаракатланди ва у чиқариб ташлангунича ўйинда бироз тўхталиш юзага келди.

Куртуанинг реакцияси ҳам уни ушлаб олиш учун етарли бўлмади.

Бу тўхталишдан кейин ҳам белгияликлар концентрацияни йўқотмади. Де Брюйне яна бир бор 11-метрдан гол урди ва амалда ўйин масаласини ҳал қилди. Мезбонларнинг ўйин охирида интригани жонлантириш учун урган голига дарҳол Троссар яна бир гол билан жавоб қайтарди ва Белгия яна биринчи ўринга чиқиб олди.

Шимолий Македония – Қозоғистон 1:1
Голлар: Караман, 54 (0:1). Барди, 74 (1:1)
Шимолий Македония: Димитриевски, Зайков, Велковски (Костадинов, 46), Алиоски, Стойчевски (Серафимов, 75), Илиевски, Алими (Трайковски, 75), Барди, Элмас, Миовски (Чурлинов, 46), Ристовски (Растодер, 62)
Қозоғистон: Сейсен, Алип, Қосим, Вороговский (Касабулат, 85), Каиров, Куат, Караман (Холматов, 70), Зайнутдинов (Жагоров, 85), Кенжебек (Шушеначев, 61), Чесноков, Свиридов (Жумат, 61)
Огоҳлантиришлар: Алими, 45 – Зайнутдинов, 64. Каиров, 65. Куат, 81. Жумат, 90. Сейсен, 90

Шимолий Македония ЖЧ йўлланмаси учун жиддий кураш олиб бормоқда, Қозоғистон эса навбатдаги марта мураббий алмашганидан кейин 2023 йилгидек кучли ўйин кўрсатмоқда. Аммо энди аллақачон кеч: уларда иккинчи ўрин учун ҳам имконият қолмади. Скопедаги ўйинда қозоғистонликлар яримҳимоячиси Динмуҳаммад Қаҳрамон қайчи услубида зарба бериб, турнинг энг чиройли голларидан бирини урди.

Аммо бу ғалаба билан қайтиш учун етарли бўлмади ва Барди ўйин сўнгида жарима зарбасидан яна бир чиройли гол уриб, ҳисобни тенглаштирди Македонлар ҳамон биринчи ўрин учун пойгада қолмоқда, иккинчи ўрин учун назарий жиҳатдан ҳам имкониятларини йўқотган Қозоғистон эса кейинги турда фақат мухлислар учун ўйнайди.

15 ноябр. Қозоғистон – Белгия, Лихтенштейн – Уэлс.
18 ноябр. Белгия – Лихтенштейн, Уэлс – Шимолий Македония.

В гуруҳи

Шведларнинг даҳшатли туши

Швеция – Косово 0:1
Гол: Асллани, 32 (0:1)
Швеция: Йоханссон, Хин, Линделеф, Лагербилке, Бергвалль (Салетрос, 46), Свенссон, Айяри (Эланга, 46), Гудмундссон (Сема, 82), Бернхардссон (Барджи, 46), Исак, Дьекереш
Косово: Мурич, Хайризи, Хайдари, Галлапени, Красничи, Ходжа (Эмерлаху, 71), Авдуллаху, Муслия (Яшари, 66), Войвода, Асллани (Жегрова, 71), Муричи (Ррахмани, 90)
Огоҳлантиришлар: Хайдари, 40. Мурич, 76

Швеция майдонидаги ҳал қилувчи ўйинда мезбонлардаги инқироз нақадар чуқур эканини намойиш этиб берди. АПЛнинг кучли жамоаларида ўйновчи Исак, Йоекереш, Бергвалл ва Эланга каби юлдузлар «Сассуоло» посбони Муричга қарши ҳеч нарса қила олишмади. Ўз навбатида, косоволиклар биринчи имкониятиданоқ унумли фойдаланди. Мезбонлар жарима майдонида шеригидан пас қабул қилиб олган Асслани тўпни тўхтатмасдан бир тегинишда бурчакка аниқ йўллади. Танаффус арафасида ҳисобдаги фарқ янада ошиши мумкин эди, аммо бир ҳужумнинг ўзида дарвозабон ва устун икки марта мезбонларни голдан қутқариб қолди. Иккинчи бўлимда вазиятни ўнглашга бўлган уринишлар бесамар кетди. Энди Швецияга ўтиш босқичига чиқиш учун фақат мўъжиза ёрдам бериши мумкин.

Словения – Швейцария 0:0
Словения: Облак, Бийол, Дркушич, Янжа (Сешлар, 88), Брекало, Элшник, Гнезда Черин, Хорват (Випотник, 70), Карничник, Шешко, Штурм (Стоянович, 57)
Швейцария: Кобель, Эльведи, Аканджи, Родригес (Байрами, 77), Видмер (Мухайм, 63), Жака, Соу (Манзамби, 62), Фройлер, Варгас (Ридер, 77), Ндой, Эмболо
Огоҳлантириш: Гнезда Черин, 88

Бу турнинг энг зерикарли баҳсига айланди ва ҳисоб ҳам шунга монанд кўриниш олди. Швейцария ғалабали сериясини давом эттириши мумкин эди, аммо ижрочиларга омад етишмади. Меҳмонлар асосан қисқа паслар орқали рақиб жарима майдонига кириб боришга уринди, аммо яққол вазиятлар юзага келмади (FotMob портали бўйича 0,78 xG қайд этилди). Натижада косоволиклар ҳам биринчи ўрин учун рақобатчи бўлиб қолмоқда.

15 ноябр. Словения – Косово, Швейцария – Швеция.
18 ноябр. Косово – Швейцария, Швеция – Словения.