Навоийда энг кам — 489 та: ҳудудлар кесимида кутубхоналар

Миллий статистика қўмитасига кўра, 2025 йил 1 январ ҳолатига Ўзбекистонда 14 999 та кутубхона фаолият юритади. Ҳудудлар ичида энг кўп кутубхона Фарғонада (2 108 та), энг ками эса Навоийда (489 та).

Фото: Kun.uz

Маълумотларга кўра, мамлакат кутубхоналари фонди 85 млн нусха нашрдан иборат. Фойдаланувчилар сони 12,8 млн киши: шуларнинг 31,6 фоизи — 14 ёшгача, 45,9 фоизи — 15–24 ёшдагилар, 22,6 фоизи — 25 ёш ва катталар.

Ҳудудлар кесимида кутубхоналар сони қуйидагича:

Фарғона вилояти — 2 108 та;
Самарқанд вилояти — 1 863 та;
Қашқадарё вилояти — 1 476 та;
Тошкент вилояти — 1 467 та;
Сурхондарё вилояти — 1 159 та;
Андижон вилояти — 1 065 та;
Қорақалпоғистон Республикаси — 934 та;
Наманган вилояти — 891 та;
Жиззах вилояти — 868 та;
Бухоро вилояти — 764 та;
Хоразм вилояти — 688 та;
Тошкент шаҳри — 701 та;
Сирдарё вилояти — 526 та;
Навоий вилояти — 489 та.

Статистикага барча таълим муассасалари кутубхоналари, маҳаллий ҳокимиятлар ахборот-ресурс марказлари ҳамда вазирлик ва идораларга қарашли ахборот-кутубхона марказлари киритилган.