Хорижий сармояли корхоналар: пойтахт ва атроф ҳудудларда тўпланиш тенденцияси

Миллий статистика қўмитаси маълумотига кўра, 2025 йил 1 октябр ҳолатига Ўзбекистонда чет эл инвестицияси иштирокида 17 188 та корхона фаолият юритмоқда. Уларнинг асосий қисми Тошкент шаҳрига тўғри келади — 10 962 та (63,8 фоиз), кейин Тошкент вилояти — 2 174 та (12,6 фоиз).

Ҳудудлар кесимида хорижий сармояли корхоналар жойлашуви қуйидагича (камайиш тартибида):

Тошкент шаҳри: 10 962 та (63,8 фоиз);
Тошкент вилояти: 2 174 та (12,6 фоиз);
Самарқанд вилояти: 643 та (3,7 фоиз);
Фарғона вилояти: 589 та (3,4 фоиз);
Сурхондарё вилояти: 482 та (2,8 фоиз);
Андижон вилояти: 393 та (2,3 фоиз);
Бухоро вилояти: 351 та (2,0 фоиз);
Навоий вилояти: 299 та (1,7 фоиз);
Сирдарё вилояти: 268 та (1,6 фоиз);
Наманган вилояти: 245 та (1,4 фоиз);
Жиззах вилояти: 240 та (1,4 фоиз);
Қорақалпоғистон Республикаси: 197 та (1,1 фоиз);
Хоразм вилояти: 188 та (1,1 фоиз);
Қашқадарё вилояти: 157 та (0,9 фоиз).

Маълумотлар хорижий сармоя иштирокидаги бизнес субъектлари асосан пойтахт ва унга ёнма-ён ҳудудларда тўпланаётганини кўрсатади. Бу ҳолат логистика, қулай инфратузилма, кадрлар бозори ва ички талаб ҳажми каби омиллар билан изоҳланади.

Тайёрлаган: Отабек Матназаров

#инвестиция #статистика #хорижий сармоя