Xreal 1S: Оддий видеони 3D’га айлантирадиган кўзойнаклар тақдим этилди

Xreal янги AR-кўзойнак — Xreal 1S’ни чиқаради. Энг катта янгилик: у оддий 2D видеони бир зумда 3D шаклга ўтказа олади.

Фото: Аббосхон Юсуфжонов

Xreal 1S 82 грамм. Унда Sony ишлаб чиққан икки OLED экран бор. Тасвир тиниқ, янгиланиш тезлиги эса 120 Hz (Гертс) гача. 2D видеони 3D’га айлантириш режимида тезлик 30 Hz (Герц) бўлади, лекин барибир кўзни чарчатмайди.

Бошни қимирлатганда экран жойидан силжимайди. Кўзойнак ёруғликни ҳам ўзи бошқаради, керак бўлса қоронғи, керак бўлса очиқ қилади.

Xreal Neo — AR учун махсус “powerbank”

Шу билан бирга компания Xreal Neo’ни ҳам чиқарди. Бу AR-кўзойнаклар учун мўлжалланган 10 000 mA·соатлик powerbank. У кўзойнакка видео узатади ва телефонни ҳам қувватлайди. Nintendo Switch учун док-станция сифатида ҳам ишлайди.

Нархлар эса қуйидагича:

Xreal 1S — 67 980 иена. Олдиндан буюртма Японияда очилган.

Xreal Neo — 14 580 иена, савдо январ охирида бошланади.

Технологиялар тез ўзгараётган бугунги кунда энг сўнгги янгиликлардан хабардор бўлиш муҳим. Рақамли дунёда адашиб қолмаслик ва шундай янгиликларни биринчилардан билиш учун KUN.UZ Texnologiya Телеграм саҳифасини кузатиб боринг.