Янги Kia Sportage: қулайлик, технология ва хавфсизликнинг янги босқичи

2026 йил 10 январда Kia’нинг Ўзбекистондаги расмий дистрибютори — ADM компаниялар гуруҳи Kia Sportage’нинг янги версияси ишга туширилганини эълон қилди. Кроссовер интерьер ва экстерьерда ўзгаришларга эга бўлди ҳамда юқори технологияли хавфсизлик ва ҳайдовчига ёрдам тизимларининг кенгайтирилган тўплами билан жиҳозланди.

Фото: Kia

Биринчи марта 1993 йилда тақдим этилган Kia Sportage жаҳон автомобил саноати тарихида сезиларли из қолдирди. Умумий ҳисобда 7 миллион донадан ортиқ сотилган бўлиб, модел бешта авлодни янгилади. Сўнгги янгиланиш кроссоверни бренднинг янги дизайн фалсафаси — «Қарама-қаршиликлар бирлиги»га янада мослаштирди. Замонавий кўриниш ва такомиллаштирилган жиҳозлар Sportage’нинг ўз сегменти етакчиларидан бири сифатидаги мавқеини мустаҳкамлайди.

Экстерьер

Янги Sportage габарит ўлчамлари 4 685 × 1 865 × 1 660–1 680 мм (узунлиги × кенглиги × баландлиги — версияси ва том қисмидаги рейлинглар мавжудлигига қараб).

Янги Sportage’нинг олд ва орқа ёритиш ускуналари «Юлдузлар харитаси» услубида ишлаб чиқилган бўлиб, кроссоверга замонавий ва ифодали кўриниш беради. Янги 3D тасвирли радиатор панжараси ва вертикал LED фарлар динамик ва юқори технологияли қиёфани шакллантиради, шунингдек, кундузи ҳам, кечаси ҳам мукаммал кўринишни таъминлайди.

Янги Sportage учун диаметри 17 дан 19 дюймгача бўлган (комплектацияга қараб) бир нечта дизайн вариантларида енгил қотишмали дисклар таклиф этилади, бу эса автомобил услуби ва характери учун энг мақбул уйғунликни танлаш имконини беради.

Янада агрессив ва ифодали образни афзал кўрувчилар учун X-Line версияси мавжуд. У эксклюзив дизайн элементлари, жумладан, қора рангдаги Kia логотиплари, шунингдек, оригинал дизайнга эга 19 дюймли қора енгил қотишмали дисклари билан ажралиб туради.

Интерьер

Янги Kia Sportage салони замонавий услубда бажарилган бўлиб, яққол горизонтал зоналарга ажратилган. Олд панель ҳайдовчига йўналтирилган, панорамали эгилган экран эса 12,3 дюймли рақамли приборлар панели ва мультимедиа тизимининг 12,3 дюймли дисплеийни бирлаштириб, тўлиқ визуал шўнғиш эффектни яратади. Базавий версияда 4,2 дюймли рангли дисплейга эга Supervision приборлар панели ўрнатилган.

Текис қисми кесилган икки спицали рул чамбараги интерьерга спортча ва нафис кўриниш беради. Барча бошқарув элементлари эргономик жойлаштирилган ва фойдаланиш учун интуитив равишда тушунарли.

Марказий консоль ва эшик панелларининг ёғоч текстураси ҳамда «металлга ўхшаш» элементлар билан безатилиши интерьернинг премиум тоифадаги хусусиятини намоён этади. Салондаги LED ёритиш ёқимли муҳит яратади. Олд ойнадаги шовқин ўтказмайдиган қоплама шовқин даражасини самарали камайтиради ва сафарда қулайликни оширади.

Олд ўриндиқлар иситиш ва вентиляция, орқа ўриндиқлар эса иситиш функцияси билан жиҳозланиши мумкин. Иккинчи қаторда ўтирган йўловчилар учун олд бош суянчиқларида кийим иличлар ва ўриндиқ суянчиқларида қулай чўнтаклар мавжуд.

Оёқ ва бош устидаги рекорд даражадаги кенглик туфайли иккинчи қатор ўриндиқлари ўз тоифасидаги энг кенгларидан бири ҳисобланади, бу эса айниқса болали оилалар ва узоқ саёҳат ишқибозларига манзур бўлади.

Орқа ўриндиқлар конструкцияси нафақат орқа суянчиқларни ётқизиш, балки ўриндиқларнинг ўзини ҳам пастга тушириш имконини беради, бу эса максимал даражада қулай бўлган юкхона ҳажмини таъминлайди. Юкхона эшиги интеллектуал бошқарув ва очилиш баландлиги хотирасига эга электр юритма билан жиҳозланиши мумкин.

Қўшимча қулайлик ҳайдовчи ўриндиғининг жойлашув хотираси, олд йўловчи ўриндиғини ҳайдовчи ўриндиғидан ёки иккинчи қатордан бошқариш имконияти, мобил қурилмаларни симсиз қувватлаш тизими, тўртта USB Type-C улагичи, шунингдек, стакан қўйгичлар учун жойга эга марказий консольдаги ҳажмли бўлим орқали таъминланади.

X-Line версияси учун қора замшли шифт қопламаси, интерьернинг қора варианти ва икки рангли оригинал рул чамбараги таклиф этилади.

Двигателлар ва узатмалар қутилари

Ўзбекистонда янги Kia Sportage икки хил бензинли куч агрегати билан таклиф этилади:

● 2.0 MPI (156 от кучи 6 200 айл/мин да, 192 Н·м 4 500 айл/мин да) — тежамкорлик ва қулайликни қадрлайдиганлар учун энг мақбул танлов. 6 поғонали автомат узатмалар қутиси билан жиҳозланади.

● 2.5 GDI (190 от кучи 6 100 айл/мин да, 242 Н·м 4 000 айл/мин да) — юқори динамика ва самарадорликка эга. Янгиланган 8 поғонали автомат узатмалар қутиси билан ишлайди.

Янгилаш жараёнида муҳандислар ҳаракат сифатлари ва қулайликка алоҳида эътибор қаратдилар: осма тизим модернизация қилинди, қўшимча изоляция материаллари ҳисобига салоннинг шовқин изоляцияси яхшиланди.

Хавфсизлик

Барча Kia автомобиллари каби, янги Sportage ҳам хавфсизликка катта эътибор қаратилган. Ён томондан зарбаларда юқори ва ўта юқори мустаҳкам пўлатлар ҳамда иссиқ штамплаш элементларидан фойдаланиш орқали ҳимоя даражаси оширилган. Олти та хавфсизлик ёстиқчаси (олд, ён ва пардалар) йўловчиларни тўқнашувларда ишончли ҳимоя қилади.

Ён томондан шамол таъсирида барқарорлаштириш тизими автомобилни юқори тезликда ҳаракатланаётганда полоса ичида ушлаб туришга ёрдам беради.

Sportage интеллектуал круиз-назорат (SCC), олд томондан тўқнашувнинг олдини олиш тизими (FCA 2), йўл чизиғидан чиқиб кетишнинг олдини олиш иккинчи авлод тизими (LKA2), йўлда ҳаракатланиш ёрдамчиси (LFA), кўринмас ҳудудларни назорат қилиш тизимлари (BCA), орқа томонга ҳаракатланишда тўқнашувларнинг олдини олиш (RCCA, PCA-R), автомобилдан хавфсиз чиқиш тизими (SEW) ва бошқа функцияларни ўз ичига олган кенгайтирилган фаол хавфсизлик тизимлари мажмуаси билан жиҳозланиши мумкин.

Рулда қўллар мавжудлигини назорат қилиш тизими (HoD) рул чамбарагини енгил тебратиш орқали ҳайдовчини эҳтимолий хавфли вазиятлар ва эътибор пасайгани ҳақида огоҳлантиради.

Янги рақамли имкониятлар

Янгиланган мултимедиа тизими кенгайтирилган функционал ва янги рақамли ечимларга эга бўлди. HUD проекцияли дисплей асосий маълумотларни олд ойнада акс эттириб, ҳайдовчини йўлдан чалғитмасликка ёрдам беради.

Рақамли овоз қайта ишлашга эга премиум тоифадаги Harman/Kardon аудио тизими юқори сифатли ва ёрқин овозни таъминлайди.

Комплектациялар, ранглар ва кафолат

Янги Kia Sportage саккизта кузов рангида ва комплектацияга қараб икки хил кўринишда тақдим этилади. Ранглар палитрасига икки янги ранг қўшилди: Wolf Gray ва Heritage Blue.

Модел Kia компаниясининг 5 йил ёки 150 000 км йўл босиш (қайси бири олдин юз беришига қараб) кафолати билан таъминланади.

Kia Sportage бешта комплектацияда таклиф этилади:

● Luxe — 454 900 000 сўм;

● Prestige — 499 900 000 сўм;

● Style — 549 900 000 сўм;

● Plus — 584 900 00 0 сўм;

● X-Line — 619 900 000 сўм.