Вазирликнинг тавсияларига кўра, қуйидаги қоидаларга риоя қилиш керак:
қўлбола ва носоз газ иситиш мосламаларидан фойдаланмаслик;
газ плитасида хонани иситмаслик;
печ ва мўриларни мутахассисларга ўз вақтида текширтириш ҳамда тозалатиш;
мўри ва шамоллатиш йўлларини беркитмаслик;
иситиш мосламаларини, айниқса, тунда назоратсиз қолдирмаслик;
ускуналар яқинида ёнувчан буюмларни сақламаслик;
газ жиҳозларини ўрнатиш ва ишлатишда белгиланган талаблар ҳамда ишлаб чиқарувчи йўриқномасига амал қилиш.
Хонада газ ҳиди сезилса, чироқ ва электр жиҳозларини ёқиб-ўчириш, очиқ оловдан фойдаланиш мумкин эмас. Эшик-деразаларни очиб, ташқарига чиқиш ва хавфсиз жойдан 104 — газ авария хизматига қўнғироқ қилиш керак.
Ис гази рангсиз ва ҳидсиз бўлади. Уни ҳид орқали сезиб бўлмайди.
