Турк капитали иштирокидаги бизнеслар: асосий улуш Тошкент шаҳрида

Миллий статистика қўмитаси эълон қилган маълумотларга кўра, 2026 йилнинг 1 январ ҳолатига мамлакатда Туркия капитали иштирокида 2 137 та корхона фаолият олиб бормоқда.

Қайд этилишича, мазкур корхоналарнинг: 496 таси — қўшма корхона, 1 641 таси — хорижий корхона ҳисобланади.

Ҳудудлар кесимида энг кўп Туркия капитали иштирокидаги корхоналар Тошкент шаҳрида — 1 305 та экани кўрсатилган. Кейинги ўринларда Тошкент вилояти (298 та) ва Самарқанд вилояти (115 та) қайд этилган.

Шунингдек, Туркия капитали иштирокида фаолият юритаётган корхоналар сони ҳудудлар бўйича қуйидагича:

• Тошкент шаҳри – 1 305 та;
• Тошкент вилояти – 298 та;
• Самарқанд вилояти – 115 та;
• Фарғона вилояти – 70 та;
• Андижон вилояти – 58 та;
• Жиззах вилояти – 55 та;
• Бухоро вилояти – 43 та;
• Наманган вилояти – 43 та;
• Сурхондарё вилояти – 31 та;
• Хоразм вилояти – 30 та;
• Навоий вилояти – 30 та;
• Сирдарё вилояти – 23 та;
• Қашқадарё вилояти – 18 та;
• Қорақалпоғистон Республикаси – 18 та.

Маълумотларга кўра, умумий кўрсаткичнинг катта қисми пойтахт ҳиссасига тўғри келиши Тошкент шаҳрида бизнес муҳити, логистика имкониятлари ва бозор инфратузилмаси нисбатан ривожлангани билан изоҳланиши мумкин.