“Биз HONOR Magic8 Pro моделини Ўзбекистонда илк бор тақдим этаётганимиздан ғоят мамнунмиз. Ушбу қурилма нафақат мобил фотографияда, балки сунъий интеллект соҳасидаги қатъий интилишларимиз натижаси сифатида бутун смартфон тажрибасида улкан юксалишни англатади”, - деди HONOR бош директори Жеймс Ли.
Флагман даражасидаги фотография: AiMAGE билан тунги телефото тасвирлашнинг янги талқини
HONOR ўзининг AiMAGE камера тизимидаги сўнгги ишланмалари билан смартфон фотографиясини янги чўққиларга олиб чиқмоқда. Янги авлод сунъий интеллекти ёрдамида у мисли кўрилмаган тиниқлик, барқарорлик ва ижодий назоратни таъминлайди.
HONOR Magic8 Pro бугунги кунда саноатдаги энг илғор AI телефото тизимини тақдим этади. У 200 МП Ultra Тунги Telephoto камерасига эга бўлиб, 1/1.4 дюймли катта сенсор, f/2.6 кенг диафрагма, OIS (оптик стабилизация) ва 3.7x оптик зум билан жиҳозланган. Ушбу тизим ёруғлик қабул қилишни кескин яхшилаб, ҳатто узоқ масофаларда ҳам ўта аниқ деталларни тақдим этади. 50 МП Ultra Тунги Асосий Камера (f/1.6, OIS) ва 50 МП Ultra Кенг Камера (122°, 2.5 см HD макро) эса рангларнинг ёрқинлиги, табиий портретлар ва кенг кўламли пейзажлар билан ижодий имкониятларни янада кенгайтиради.
HONOR’нинг AI мослашувчан стабилизация модели ёрдамида фойдаланувчилар штативсиз ҳам сифатли яқинлаштирилган суратларни олиш имкониятига 7 баробар кўпроқ эга бўлади. Ушбу модел туфайли HONOR Magic8 Pro саноатдаги барқарор CIPA 6.5 даражасига эришди.
Сеҳрли Ранг (Magic Color) ва AI Расмлар агенти: чегарасиз ижодкорлик
HONOR Magic8 Pro’да саноатдаги илк сунъий интеллектга асосланган ранглар двигатели — Magic Color дебют қилди. Чуқур ўрганиш алгоритмларига таянган ҳолда, у 16,77 миллион рангни интеллектуал тарзда ажратиб олади. Суратга олишдан ташқари, AI Расмлар Агенти бир марта босиш ёки овозли буйруқ орқали амалларни бажаришга имкон беради. Кутилмаган лаҳзаларни тезкор муҳрлаш учун янги AI тугмаси жорий этилди. Бу қувват тугмасидан мустақил бўлган алоҳида тугма бўлиб, у экран қулфланган ҳолатда ҳам икки марта босиш орқали камерани бир зумда ишга туширади.
