HONOR X9e Pro тақдимоти қандай ўтди?
Тадбир Piramit Tower мажмуасининг 48-қаватида бўлиб ўтди. Қурилма билан одатий тақдимот орқали таништириш ўрнига, ташкилотчилар меҳмонлар смартфон имкониятларини амалда кўришлари мумкин бўлган интерактив зоналарни ташкил этди.
Кириш қисмида меҳмонларни сувга ботирилган смартфонлар жойлаштирилган аквариум кутиб олди. Ташриф буюрувчилар қурилмани мустақил равишда сувдан олиб, унинг ишлашини текширишлари мумкин эди. Бошқа зоналарда эса корпуснинг механик таъсирларга чидамлилиги намойиш этилди: смартфонлар баландликдан ташланди, зарбаларга дучор қилинди ва пейнтбол қуроли билан ўққа тутилди.
Дастур доирасида ҳарорат синовларига ҳам алоҳида эътибор қаратилди. Қурилмалар юқори ва паст ҳароратлар таъсирида синалиб, ишлаб чиқарувчи томонидан билдирилган чидамлилик имкониятлари намойиш этилди. Энг ноодатий тажрибалардан бири смартфон устида сабзавотларни тўғраш бўлди. Шундан сўнг қурилма шўрва солинган қозонга туширилди.
Интерактив қисм якунлангач, смартфоннинг расмий тақдимоти бўлиб ўтди. Унда меҳмонларга қурилманинг конструкцияси, техник хусусиятлари ва имкониятлари ҳақида маълумот берилди.
Нима учун аккумуляторга алоҳида эътибор қаратилди?
HONOR X9e Pro тўртинчи авлод кремний-углерод технологияси асосида ишлаб чиқарилган, 11 000 мА·соат сиғимли аккумулятор билан жиҳозланган. Ишлаб чиқарувчи маълумотларига кўра, смартфон белгиланган фойдаланиш сценарийларида қувватланмасдан уч кундан ортиқ ишлаши мумкин.
Бундай катта қувват захираси кўп вақтини уйдан ташқарида ўтказадиган, навигациядан фойдаланадиган, суратга оладиган, видео томоша қиладиган ва кун давомида доимий алоқада бўлиши зарур бўлган фойдаланувчилар учун қулайлик яратади.
Смартфон 80 Втгача қувватга эга HONOR SuperCharge тезкор қувватлаш технологиясини қўллаб-қувватлайди. Шунингдек, 27 Вт қувватли симли тескари қувватлаш функцияси мавжуд бўлиб, у орқали мос келувчи бошқа қурилмаларни ҳам қувватлаш мумкин.
