Қўшимча функционаллар
-
Тунги кўриниш
1 апрелдан шифохоналар 5 кунлик иш тартибига ўтказилади
2026 йил 1 апрелдан Ўзбекистондаги давлат тиббиёт муассасалари 5 кунлик иш ҳафтасига ўтади. Айни пайтда, тиббий хизматлар узлуксизлигини таъминлаш мақсадида байрам ва дам олиш кунлари навбатчилик асосида ишлаш тартиби жорий этилади.
Қонунчиликка кўра, давлат тиббиёт муассасалари фаолиятида янги иш режими амалиётга татбиқ этилади. Унга асосан, муассасаларнинг асосий иш фаолияти 5 кунлик иш ҳафтаси асосида ташкил қилинади.
Шу билан бирга, аҳолига тиббий хизмат кўрсатишда узилиш бўлмаслиги учун байрам ва дам олиш кунларида навбатчилик тизими йўлга қўйилади. Бу орқали шифохоналар ва бошқа давлат тиббиёт муассасалари зарур ҳолатларда фаолиятини давом эттиради.
Мазкур тартиб тиббиёт муассасаларида иш жараёнини самарали ташкил этиш, ходимларнинг меҳнат юкини мақбуллаштириш ҳамда хизмат кўрсатиш сифатини яхшилашга қаратилган. Шунингдек, бу ўзгариш аҳоли учун тиббий ёрдам олиш имкониятларини чекламаслиги таъкидланмоқда.
Янги тизимга кўра, иш кунлари давомида давлат тиббиёт муассасалари одатий тартибда фаолият юритади. Дам олиш ва байрам кунларида эса тиббиёт ходимлари махсус навбатчилик жадвали асосида хизмат кўрсатади.
Ушбу ўзгаришлар давлат тиббиёт муассасалари фаолиятида иш вақти режимини тартибга солиш, ходимлар учун қулай меҳнат муҳитини шакллантириш ва аҳолига кўрсатиладиган тиббий хизмат барқарорлигини таъминлашда муҳим аҳамият касб этади.
