Энг тез қуруқликдаги сут эмизувчи ҳайвон — гепард ҳисобланади. У соатига 114 км тезликкача югура олади. Аммо амалда ўлжани қувиш вақтида унинг тезлиги одатда 80–100 км/соат атрофида бўлади.
Гепард 100 км/соат тезликка 3 сонияда чиқа олади, бироқ бундай юқори тезликни фақат қисқа масофада ушлаб туради.
Энг тез ҳайвонлар қаторида вилорог ва спрингбок алоҳида ажралиб туради. Вилорог гепарддан қисқа масофада орқада қолса-да, у узоқ вақт давомида юқори тезликни сақлаб тура олади. Унинг қайд этилган максимал тезлиги — 88,5 км/соат. Спрингбок ҳам шунга яқин натижа кўрсатади.
Айрим маълумотларга кўра, шерлар (айниқса, урғочи шерлар) 80 км/соат тезликкача ета олади. Аммо улар ҳам гепард каби бу тезликни фақат қисқа вақт сақлай олади. Гну ва гарна антилопалари ҳам тахминан 80 км/соат тезликка эга.
Энг тез ҳайвонлар қаторига айрим ит зотлари ҳам киради. Масалан, грейхаунд (инглиз борзойи) соатига 67,3 км тезликкача югура олади.
Отларнинг тезлиги зотига боғлиқ: пойга оти — 70,76 км/соат (2008 йилда рекорд), Америка квортерхорси — 88 км/соат гача тезлашиши мумкин
Янги инфографикада барча энг тез ҳайвонлар қамраб олинмаган. Шунингдек, ҳайвонларнинг максимал ва ўртача тезлиги турли манбаларга кўра фарқ қилиши мумкин.
