“Orbis Group” Тошкентда янги форматдаги Porsche флагман марказини очди

Тошкентда янги форматдаги Porsche дилерлик маркази очилди. Объект Марказий Осиёда биринчи бўлиб бренднинг янги умумжаҳон концепцияси – “Destination Porsche” асосида барпо этилди. Янги флагман маркази “Orbis Cars Premium” бўлинмаси томонидан “Porsche Central and Eastern Europe” билан ҳамкорликда ишга туширилди. Марказнинг ишга тушиши – бу консултация студияси форматидан тўлақонли хизмат кўрсатиш циклига ўтишдир. Энди Ўзбекистондаги мижозларга автомобил сотувигина эмас, балки юксак технологик сервис, жумладан, электромобилларга хизмат кўрсатиш ҳам тақдим этилади.

Концепция ва макон

Янги Porsche Centre Tashkent минтақанинг ритейл сегментидаги энг амбицияли архитектура лойиҳаларидан бирига айланди. Флагман марказ 1 гектар майдонда барпо этилган бўлиб, бинонинг умумий майдони 4000 м² ни ташкил этади.

“Destination Porsche” дилерлик марказининг форматини ўзгартиради: у савдо нуқтасидан русум соҳиблари ва мухлислари ҳамжамиятининг учрашув масканига айланади. Бинонинг жўшқин фасадли архитектураси бренднинг спорт характерини таъкидлайди, ички макон эса, “пойга чизиғи” (Racing Line) атрофида ташкил этилган бўлиб, турли мавзули ҳудудларни бирлаштиради.

Интерер немис Oberhaizinger бюроси томонидан ишлаб чиқилган ички ўрнатилган мебеллар билан жиҳозланган. Ҳар бир элементнинг пухта ишланиши глобал Porsche кодига мос мукаммал эргономика ва эстетикани таъминлайди. Халқаро Trison агентлиги томонидан яратилган мултимедиявий экотизим интерер билан жуда уйғун: рақамли ечимлар ва аудиовизуал контент бренд билан ўзаро алоқани интуитив яқинроқ ва янада технологик қулай қилади.

Шаффофликка алоҳида эътибор берилган: сервис ҳудуди мижоз қисмидан ойнаванд девор билан ажратилган, бу меҳмонларга автомобилларга хизмат кўрсатиш жараёнини кузатиш имконини беради.

Инфратузилма ва марказ имкониятлари

• Шоурум (800 м²): бу ерда Porsche долзарб моделлари ва янгиликлари, шунингдек аксессуарлар тақдим этилган.
• Сервис ҳудуди (1100 м²): бренднинг умумжаҳон регламентлари асосида ишловчи бешта пост ва экспресс-диганостик участкасини ўз ичига олади.
• Электромобиллар: Шоурумда махсус E-Performance зонаси жойлашган бўлиб, унда Porsche электромобилининг энг сўнгги янгилиги тақдим этилган. Хизмат зонасида аккумулятор батареяларини таъмирлаш пости ўрнатилган ва ҳудудда иккита тез зарядлаш станцияси (DC) ва 10 та ўзгарувчан ток инфратузилмаси (AC) мавжуд.
• Персонализация: лаунж-ҳудудда рақамли конфигуратор ёрдамида мижозлар ўз автомобилининг комплектациясини батафсил кўриб чиқиши мумкин.

Михаэл Кирш, “Porsche Central and Eastern Europe” бош директори:

“Porsche Centre Tashkent”нинг очилиши – муҳим стратегик босқич. Марказий Осиё бугунги кунда энг жўшқин ривожланаётган бозорлардан бири бўлиб, бундай миқёсдаги флагманнинг ишга тушиши минтақадаги узоқ муддатли режаларимизни тасдиқлайди”.

Вячеслав Гусев, “Orbis Cars Premium” бош директори:

“Биз шунчаки автосалон эмас, балки мулоқот учун маконни яратдик. Биз Ўзбекистондаги ҳар бир Porsche соҳиби бренд билан бевосита алоқани ҳис қилишини ва энг олий сифатдаги сервисга эга бўлишини истаймиз”.

“Porsche Centre Tashkent” эшикллари мижозлар ва бренд мухлислари учун очиқ.

📍 Манзил: Янги Ўзбекистон кўчаси, Юқори Чирчиқ тумани.

Қўшимча маълумот учун: +998712052911 | Telegram | Instagram | Facebook

Маълумот учун

“Orbis Group” — кўппрофилли ҳолдинг ва Қозоғистоннинг энг йирик атвомобил ретейлерларидан бири. Гуруҳ автобизнес, нефт сервиси, агросаноат мажмуаси, қурилиш, HoReCa ва бошқа тармоқларда етакчи мақомларга эга. “Orbis Group” халқаро фаолиятни фаол кенгайтиради: компания Ўзбекистон бозорида фаол иш юритиб, етакчи жаҳон брендларини тақдим этади, шунингдек АҚШда бизнес-йўналишни ривожлантиради.

“Orbis Cars Premium” — “Porsche”нинг Ўзбекистондаги расмий импортчиси, “Orbis Group” таркибига киради.