Al-Jabr мактабида филиаллараро “Zakovat” беллашуви ўтказилди

Al-Jabr халқаро мактабида Себзор ва Юнусобод филиаллари ўқувчилари ўртасида анъанавий “Zakovat” беллашуви бўлиб ўтди. Мактабда уч йилдан буён ўтказиб келинаётган ушбу тадбир ўқувчилар ўртасида соғлом рақобат муҳитини шакллантириш, илмга бўлган қизиқишни ошириш ҳамда билим ва ижод уйғунлигини ривожлантиришни мақсад қилган.

Беллашув Чилонзор филиалида ташкил этилди. Унда Себзор ва Юнусобод филиалларининг 5–8-синф ўқувчилари иштирок этди. Чилонзор филиали ўқувчилари эса саҳна кўринишлари орқали тадбирда қатнашди.

Мусобақа доирасида ўқувчилар математика, физика, IT ва инглиз тили фанлари бўйича махсус тайёрланган тест синовларини топширди. Беллашув аввалги йиллардан фарқли равишда тўлиқ электрон платформа орқали ташкил этилиб, иштирокчилар натижалари тест якунлангач дарҳол компьютер тизими орқали намойиш этилди.

Тадбирнинг муҳим жиҳатларидан бири — иштирокчиларнинг қуръа асосида танлаб олингани бўлди. Ҳар бир синф ўқувчилари икки йўналишга бўлинди: бир қисми билим синовларида қатнашган бўлса, яна бир қисми саҳна кўринишларида иштирок этди. Ким қайси йўналишда қатнашиши эса тадбирдан бир кун олдин аниқлаштирилган.

Бу эса барча ўқувчиларнинг бирдек тайёргарлик кўришига хизмат қилди. Ўқувчилар нафақат фанлар бўйича билимларини намоён этди, балки саҳна чиқишлари орқали жамоада ишлаш, эркин фикр билдириш ва ижодий ёндашув кўникмаларини ҳам кўрсатди.

Al-Jabr халқаро мактаби раҳбари Mатлуба Караходжаеванинг таъкидлашича, филиаллараро беллашувлардан асосий мақсад қайсидир филиалнинг устун ёки суст эканини аниқлаш эмас, балки барча филиаллар ўртасида соғлом рақобат муҳитини шакллантиришдан иборат.

“Бу фақат ўқувчилар учун эмас, устозлар учун ҳам соғлом рақобат муҳитини яратади. Бизнинг мақсадимиз қайсидир филиал кучли ёки кучсиз эканини кўрсатиш эмас. Барча филиаллар тенг рақобат муҳитида ривожланиши керак”, — дейди мактаб раҳбари.

Унинг таъкидлашича, йилдан йилга мусобақа формати ҳам такомиллашиб бормоқда. Агар аввалги йилларда ўқувчилар топшириқларни қўлда бажарган бўлса, бугунги кунда тест жараёнлари рақамлаштирилиб, натижалар автоматик тарзда шакллантирилмоқда.

Беллашув давомида яна бир жиҳат эътибор қаратди — саҳна кўринишлари ва ижодий чиқишлар ўқувчилар тест ишлаётган пайтга тўғри келтирилди. Мактаб раҳбари буни ўқувчиларда диққатни жамлаш ва турли вазиятларда билимини намоён эта олиш кўникмасини шакллантириш мақсади билан изоҳлади.

“Ҳар бир бола ўз концентрациясини бошқаришни билиши керак. Билимли инсон ҳар қандай вазиятда ҳам ўз салоҳиятини намоён қила олади”, — дейди Матлуба Караходжаева.

Тадбирда ота-оналар ҳам бевосита иштирок этиб, фарзандларининг билим даражаси, фаоллиги ва жамоада ишлаш қобилиятини кузатиш имкониятига эга бўлди.

Беллашув фақат тест синовлари билан чекланиб қолмади. Ўқувчилар саҳнада ўз келажаги, олдига қўйган мақсадлари ва эришмоқчи бўлган ютуқлари ҳақида ҳам сўз юритди. Бу эса уларда нафақат ўзига бўлган ишончни, балки масъулият ҳиссини ҳам мустаҳкамлашга хизмат қилмоқда.

Тадбир якунида иштирокчилар ва ота-оналарга эсдалик совғалари топширилди.

Мактаб маъмуриятига кўра, бу каби лойиҳалар орқали ўқувчиларнинг салоҳиятини юзага чиқариш, соғлом рақобат муҳитини шакллантириш ҳамда билимли ва мақсадли ёшларни тарбиялаш кўзланган.

Телефон: +99855 500 8485

Рўйхатдан ўтиш учун: forms.amocrm.ru/rwrcmtd

Instagram: instagram.com/al_jabruz/

Telegram: t.me/aljabrmaktabi

Реклама ҳуқуқи асосидa