Премиум автомобиллар бозори кенгаймоқда: DENZA Ўзбекистонда расман фаолият бошлади

Тошкентда ўтказилган тақдимот маросимида компаниянинг DENZA B8 ва DENZA B5 моделлари намойиш этилиб, янги авлод гибрид технологиялари ҳамда премиум мобил экотизими таништирилди.

6 июн куни Кимёгарлар маданият саройида бўлиб ўтган тадбирда Хитойнинг премиум автомобил бренди DENZA Ўзбекистонда фаолиятини расман бошлаганини эьлон қилди ва ўзининг илк моделлари DENZA B8 ҳамда DENZA B5 автомобилларини жамоатчиликка намойиш этди.

Тадбирда BYD Group’нинг Марказий Осиё бўйича минтақавий бошқарув директори Иван Цао сўзга чиқди. Унинг таъкидлашича, DENZA технологияни мақсад эмас, инсон ҳаётини қулайроқ ва хавфсизроқ қилиш воситаси сифатида кўради.

“DENZA фойдаланувчилар учун янада қулай ва ақлли машина, шунингдек, илҳомлантирувчи тажриба яратиш воситаси ҳамдир. Биз Ўзбекистон бозорига илғор технологиялар, премиум дизайн ва юқори имкониятларни ўзида мужассам этган брендни олиб кирганимиздан мамнунмиз”, – деди Иван Цао.

Бугунги кунда автомобил бозорида премиумлик тушунчаси фақат қиммат нарх ёки нуфуз билан эмас, технология, хавфсизлик, қулайлик ва ҳайдовчи учун яратилган тажриба орқали баҳоланмоқда. DENZA айнан шу тамойилни ўзининг “Technology drives elegance” (“Технологиялар нафисликни яратади”) фалсафаси орқали илгари суради.

Бренд 2010 йилда BYD ва Mercedes-Benz ҳамкорлигида ташкил этилган. Ҳозирда DENZA BYD’нинг премиум йўналиши сифатида фаолият юритиб, электр ва гибрид автомобиллар сегментида ўз ўрнини мустаҳкамлаб бормоқда.

Тақдимот давомида компания DMO (Dual mode off-road) технологик платформаси ҳақида ҳам маълумот берди. Ушбу гибрид архитектура йўлсиз ҳудудларда ҳаракатланишга мўлжалланган автомобиллар учун ишлаб чиқилган бўлиб, электр ва гибрид куч қурилмаларининг афзалликларини бирлаштиради. Платформа ақлли тўлиқ юритма тизими, мувозанатли оғирлик тақсимоти, Cell-to-Chassis технологияси ҳамда замонавий осма бошқарув тизимлари билан жиҳозланган.

Маросимда миллий маданият ва замонавий технологиялар уйғунлигига алоҳида эътибор қаратилди. Тадбир Susani by Kasimbaeva бренди билан ҳамкорликда ташкил этилиб, ўзбек каштачилик анъаналари ва инновацион ечимлар бир маконда жамланди. Бу эса DENZA илгари сураётган қадриятлар меросга ҳурмат ва тараққиёт сари интилиш ғояларини акс эттиради.

Кечанинг асосий воқеаси эса DENZA B8 ва DENZA B5 моделлари премьераси бўлди.

DENZA B8 компаниянинг флагман модели ҳисобланади. Автомобил кенг салон, юқори сифатли интерьер, замонавий рақамли технологиялар ва юқори даражадаги қулайлик билан ажралиб туради. Модел хизмат сафарлари ҳамда оилавий саёҳатлар учун мўлжалланган премиум автомобил сифатида тақдим этилди.

DENZA B5 эса янги авлод премиум SUV сегменти вакилидир. Модел динамик характер, замонавий технологиялар ва йўлдан ташқари шароитларда ҳаракатланиш имкониятларини ўзида бирлаштиради. Компания вакилларига кўра, автомобил фаол турмуш тарзини танлаган ва ҳаракат эркинлигини қадрлайдиган мижозлар учун мўлжалланган.

DENZA’нинг Ўзбекистон бозорига кириб келиши мамлакатда премиум автомобилларга бўлган талаб ортиб бораётганидан далолат беради. Бренд янги автомобиллар билан бир қаторда технологиялар ва хизматларга асосланган замонавий мобил экотизимни ҳам таклиф этишни мақсад қилган.

Instagram 

Реклама ҳуқуқи асосида