Халқаро футбол федерацияси 2026 йилги жаҳон чемпионати якунларига кўра, Испания миллий жамоаси сардори, яримҳимоячи Родрини турнирнинг энг яхши футболчиси деб топди.
Финал ўйинидан олдин бу совринни Аргентина миллий жамоаси сардори Лионел Месси қўлга киритиши тахмин қилинаётганди.
Шунингдек, Испания миллий жамоаси асосий футболчиларидан бири Ламин Ямал турнирнинг энг яхши ёш футболчиси бўлиши ҳақидаги тахминлар ҳам ўзини оқламади, бу соврин Ямалнинг «Барселона»даги жамоадоши, 19 ёшли бошқа бир футболчи Пау Кубарсига берилди.
Шунингдек, турнир давомида қуруқ серия ўтказиш бўйича ЖЧ рекордини ўрнатган, фақат Белгияга қарши ўйинда гол ўтказиб юборган, Аргентина билан ўйинда ҳам дарвозаси дахлсизлигини сақлаб қолган Унаи Симон бу сафарги турнирнинг энг яхши дарвозабони деб топилди.
Испания финалда амалдаги чемпионлар ҳисобланган Аргентинани 1:0 ҳисобида мағлуб этди ва ўз тарихида иккинчи бор жаҳон чемпионига айланди.
