Шерзод Хўжаев Ўзбекистон энергетика вазири лавозимини эгаллади. Бу ҳақда президент матбуот хизмати хабар бермоқда.

Шу муносабат билан Хўжаев Энергетика бозорини ривожлантириш ва тартибга солиш агентлиги директори лавозимидан озод этилган.

Қайд этилишича, бундан олдинроқ унинг номзоди Олий Мажлис Қонунчилик палатаси депутатлари томонидан маъқулланган. У салкам 4 йил вазирликни бошқарган Жўрабек Мирзамаҳмудовнинг ўрнини эгаллади.

Шерзод Хўжаев 1998 йилдан бери энергетика соҳасида ишлаб келади. У 2019—2023 йилларда энергетика вазири ўринбосари лавозимида ишлаган.