Миллий статистика қўмитаси Ўзбекистонда хорижий инвестициялар иштирокида фаолият юритаётган корхоналарнинг иқтисодий фаолият турлари бўйича тақсимотини маълум қилди.
Қўмита маълумотларига кўра, 2026 йил 1 август ҳолатига республикада хорижий инвестициялар иштирокидаги жами 20 973 та корхона фаолият юритмоқда.
Уларнинг энг кўп қисми савдо соҳасига тўғри келади — 7 450 та.
Кейинги ўринларда саноат соҳаси 4 098 та корхона билан қайд этилган. Ахборот ва алоқа соҳасида 1 764 та, қурилишда эса 1 732 та хорижий инвестициялар иштирокидаги корхона фаолият юритмоқда.
Шунингдек:
— яшаш ва овқатланиш бўйича хизматлар соҳасида — 920 та;
— ташиш ва сақлаш соҳасида — 646 та;
— қишлоқ, ўрмон ва балиқчилик хўжалигида — 532 та;
— соғлиқни сақлаш ва ижтимоий хизматлар соҳасида — 241 та корхона фаолият кўрсатмоқда.
Бошқа иқтисодий фаолият турларига тегишли хорижий инвестициялар иштирокидаги корхоналар сони 3 590 тани ташкил этган.
Шундай қилиб, Ўзбекистондаги хорижий инвестициялар иштирокидаги корхоналар орасида савдо соҳаси етакчилик қилмоқда. Ундан кейинги энг йирик йўналиш саноат ҳисобланади.
