Сайловда Осиёнинг 10 та мамлакати ва ҳудудларидан турли паралимпия спорт турлари вакиллари бўлган жами 10 нафар спортчи иштирок этади. Мирзаёрова Ўзбекистон ва параатлетика номидан қатнашади.
Сайлов 18–23 октябр кунлари Японияда бўлиб ўтадиган Аичи-Нагоя 2026 Параосиё ўйинлари вақтида ўтказилади.
Параосиё ўйинларида иштирок этувчи барча аккредитациядан ўтган спортчилар овоз бериш ҳуқуқига эга бўлади. Овоз бериш онлайн тарзда ўтказилади, сайлов натижалари 24 октябр куни эълон қилинади.
Спортчилар қўмитаси таркибига беш киши сайланади. Шундан сўнг улар ўз таркибидан қўмитанинг ҳозирги раҳбари, япониялик Хироюки Мисаканинг ўрнини босувчи раисни сайлайди. AsPC Ижро кенгашининг маъқуллаши билан қўмитага яна икки нафар аъзо қўшимча равишда киритилиши мумкин.
Қўмита спортчиларнинг манфаатларини ҳимоя қилиш ва Осиё Паралимпия қўмитаси томонидан қарорлар қабул қилинишида уларнинг фикрлари инобатга олинишини таъминлайди.
Асила Мирзаёрова Паралимпия ўйинлари чемпиони ҳисобланади. 2024 йилги Париж ўйинларида у Т11 (кўриш қобилияти чекланган спортчилар) тоифасида узунликка сакраш бўйича 5,24 метр натижа кўрсатиб, Паралимпия рекордини ўрнатган ҳолда олтин медални қўлга киритган.
