Ўйин тинч кечмаслиги олдиндан маълум эди.
Исроил – Ирландия 0:3
Голлар: Пэрротт, 13 (0:1). Ида, 16 (0:2). Мойлан, 25 (0:3)
Исроил: Д. Перец, Шломо, Стоинов, Ревиво (Файнголд, 83), Мизраҳий, Э. Перец, Каничовски (Азулай, 64), Соломон, Ҳалайлий (Даса, 76), Глуҳ, Тургеман (Токломати, 64)
Ирландия: Келлеҳер, Брайен, Китчинг, ОШи, Молумби (Бэган, 88), Ковентри, Мэннинг, Абанква (Найт, 69), Ида (Филлипс, 69), Мойлан (Кэннон, 69), Пэрротт (Вата, 76)
Огоҳлантиришлар: Шломо, 59 - Ида, 59. Ковентри, 89
Миллатлар лигаси гуруҳ босқичининг иккинчи тури доирасида Исроил ва Ирландия ўртасида Венгриянинг Дебрецен шаҳрида (Исроил уч йилдан буён худди Украина каби миллий жамоа ўйинларини хорижда ўтказиб келмоқда) ўтказилган ўйин кутилганидек можароли кечди: футболчилар ўйиндан олдин ўзаро қўл бериб саломлашишдан бош тортди, рамзий норозилик акцияси билдирилди ва танаффусгача ҳисоб йирик кўриниш олди.
Ирландлар исёни
Майдондаги душманлик муҳити ҳакамнинг ўйин бошлангани ҳақидаги ҳуштагини чалишидан анча олдинроқ, жамоалар анъанавий қўл бериб кўришиш маросимини ўтказишдан бош тортганидаёқ юзага келди. Жамоалар ўртасида байроқчалар (вимпел) алмашинуви ҳам бўлмади.
Қолаверса, ирландиялик футболчилар майдонга мотам боғичларини боғлаб чиқишди, маҳаллий футбол ассоциациясидагилар изоҳ беришича, бу боғичлар Ғазодаги ҳарбий ҳаракатлар чоғида ҳалок бўлган барча фаластинликларни хотирлаш рамзидир.
Бундан ташқари, Исроил мадҳияси ижро этилаётганида ирландиялик футболчиларнинг барчаси бошини намойишкорона тарзда эгиб олишди. Шунингдек, икки жамоа сардорлари Дара О'Ши ва Манор Соломон ҳам ўйинни ким бошлаб беришини аниқлаш маросимидан кейин бир-бирига қўл бермади.
Ўйин бошланиши билан Ирландия дарҳол ташаббусни қўлга олди. Биринчи бўлим ўрталаридан ўтгандаёқ ўйин тақдири ҳал бўлди. Биринчи гол 14-дақиқада урилди, икки дақиқа ўтиб ирландлар яна бир бор дарвозани ишғол этишди. Кўп ўтмай ҳисоб йирик кўринишга келди ва Ирландия танаффусга учта тўп фарқи билан йўл олди.
Учинчи голни урган Жейк Мойлан билагидаги қора боғични ўпди ва исроиллик мухлислар ўтирган секторга қарата намойишкорана жест амалга оширди.
