Фестиваль меҳмонларга замонавий электр ва plug-in гибрид технологиялар билан яқиндан танишиш, автомобилларни таққослаш, мутахассислардан маслаҳат олиш ҳамда харид бўйича кейинги амалий қадамларни тадбир жойининг ўзида режалаштириш имконини беради.
Махсус молиявий таклиф
BYD e-Mobility Festa Special Offer доирасида 1 октябрдан бошлаб BYD CHAZOR UzPride ва BYD YUAN UP DM-i моделлари учун махсус молиялаштириш шартлари амал қилади. Таклиф мижозларга тўлов усулларини ўз харид режаларига мувофиқ танлаш имконини беради.
Бошланғич тўлов миқдори 25% дан 60% гача, 12 ва 18 ой муддатларда ҳар қандай бошланғич тўлов билан 0,0% устама асосида бўлиб тўлаш имконияти мавжуд.
Шунингдек, 40% бошланғич тўлов билан 24 ойга, 50% бошланғич тўлов билан 30 ойга ҳамда 60% бошланғич тўлов билан 36 ойгача 0,0% устама асосида бўлиб тўлаш шартларидан фойдаланиш мумкин.
Фестиваль ҳудудида дилерлик тармоғи ва молиявий ҳамкорлар вакиллари мижозларга модел, комплектация, бошланғич тўлов, муддат ва ариза топшириш жараёни бўйича маслаҳат беради.
Таклиф BYD’нинг барча расмий дилерларида амал қилади. Мижозлар фестиваль давомида автомобиль билан танишиш, тест-драйвга ёзилиш ва танланган модел бўйича молиялаштириш вариантини аниқлаштириш имкониятига эга бўладилар.
Фестиваль ҳақида
BYD e-Mobility Festa 2026 фестивалида BYD SEALION 6 EV ва BYD Ti 7 моделларининг Ўзбекистон бозоридаги дастлабки намойиши, YANGWANG U9 электр суперкари, DENZA B5 ва B8 йўлтанламаслари, шунингдек, BYD’нинг танилган ва кутилаётган моделлари тақдим этилади. Тадбир форматида автомобиль экспозицияси, технологик зоналар, интерактив майдонлар ва кечки саҳна дастурлари жамланган.
Фестивалнинг учинчи мавсуми BYD’нинг Ўзбекистондаги янги мобиллик экотизимини кенг аудиторияга яқинлаштиришга қаратилган. Бу формат меҳмонларга технологияни кўриш, автомобилни ҳис қилиш ва харид жараёнини тушунарли молиявий ечимлар билан давом эттириш имконини беради.
BYD’нинг Ўзбекистондаги алоқа маълумотлари:
