2026 йил 1–4 октябр кунлари Tashkent City Park’да BYD e-Mobility Festa 2026 фестивалининг учинчи мавсуми бўлиб ўтади. Тўрт кун давомида автомобил премералари, BYD технологиялари намойишлари, интерактив зоналар ҳамда ўзбек эстрадасининг таниқли санъаткорлари иштирокидаги кечки шоулар бир майдонда жамланади.
Фестивал замонавий мобиллик билан босқичма-босқич танишиш имконини берувчи йўналиш асосида ташкил этилган. Меҳмонлар автомобилларни статик экспозицияда ҳам, ҳаракатда ҳам кўришлари, электр ва plug-in гибрид тизимларнинг ишлаш тамойиллари билан танишишлари, мутахассисларга ўз саволларини беришлари ҳамда автомобил харид қилиш бўйича маслаҳат олишлари мумкин.
Ўзбекистондаги автомобил премералари
Модель экспозициясининг марказидан Ўзбекистон бозорига чиқаришга тайёрланаётган иккита янги модель — BYD SEALION 6 EV ва BYD Ti 7 ўрин олади. Улар савдо бошланишидан аввал дастлабки таништирув форматида намойиш этилади. Ташриф буюрувчилар автомобилларнинг дизайни, салон кенглиги, рақамли функцияларини баҳолашлари, шунингдек, ушбу моделларнинг келгусида бозорда мавжуд бўлиши ҳақида дастлабки маълумотларни олишлари мумкин.
Экспозиция BYD’нинг аллақачон танилган ва кутилаётган моделлари билан ҳам бойитилади. Улар орасида SONG PLUS DM-i UzPride, CHAZOR UzPride, YUAN UP EV, YUAN UP DM-i, SEAL 6, SEALION 7 ва ATTO 8 бор. Моделларнинг бир майдонда намойиш этилиши шаҳар электромобиллари, оилавий кроссоверлар ва plug-in гибридларни ўзаро таққослаш имконини беради.
YANGWANG U9 ва жаҳон рекорди кўрсаткичлари
Фестивалнинг асосий технологик воқеаларидан бири YANGWANG U9 моделининг Ўзбекистондаги илк намойиши бўлади. Қарийб 1 300 от күчига эга электр суперкар 100 км/соат тезликка 2,36 сонияда эришади. Тўртта мустақил бошқариладиган электромоторга эга e4 платформаси ҳамда DiSus-X осма тизими автомобилни ҳаракат вақтида аниқ бошқаришни таъминлайди. Қуввати 3 000 от күчидан ортиқ бўлган рекордчи U9 Xtreme версияси 2025 йил сентябрь ойида 496,22 км/соат тезликка эришди ва BYD маълумотига кўра, серияли автомобиллар орасида тезлик бўйича жаҳон рекордини ўрнатди. Автомобиль Nürburgring Nordschleife трассасини 6 дақиқа 59,157 сонияда босиб ўтиб, етти дақиқадан кам натижа қайд этди.
