Хитойнинг Alibaba компанияси архи $450 дан бошланадиган Qwen асосидаги иккинчи авлод «ақлли» кўзойнагини тақдим этди, деб ёзди Bloomberg.
Қурилманинг жами иккита — N1 ва N1 Pro версияси мавжуд. Иккинчиси қўшимча равишда нигоҳни кузатиш тизими билан жиҳозланган бўлиб, кўзойнак фойдаланувчи қайси объектга қараётганини аниқлай олади, уни сунъий интеллект ёрдамида танийди ва у ҳақида маълумот беради.
N1 Pro, шунингдек, кўзнинг рангдор пардаси орқали тасдиқланадиган тўловларни қўллаб-қувватлайди ҳамда саломатлик кўрсаткичларини, жумладан, пульс, қондаги кислород даражаси ва тери ҳароратини кузатиб боради.
Компаниянинг таъкидлашича, кутиш режимида кўзойнак бир қувват билан 25 соатгача, мусиқа тингланганда эса тўққиз соатгача ишлаши мумкин. Кўзойнак бандларидаги аккумуляторлар эса алмаштириладиган қилиб ишланган.
Бошланғич N1 версиясининг нархи — $450, N1 Pro esa — $523. Хитойда кўзойнаклар аллақачон сотувга чиқарилган, қурилма бошқа минтақаларда қачон пайдо бўлиши эса номаълум.
