Саудия Арабистони ва Ямандаги Эрон қўллаб-қувватлайдиган ҳусийлар ўртасидаги уруш тобора кескинлашмоқда. 8 ноябр куни тонгда ҳусийлар Ар-Риёдда ҳужум қилди.
Саудия бошчилигидаги коалиция маълумотига кўра, Ар-Риёд томон учирилган икки баллистик ракета ҳавода уриб туширилган. Кейинроқ пойтахт ва қироллик жанубида яна икки қанотли ракета йўқ қилинган. Нефт ва газ захираларининг асосий қисми жойлашган Шарқий вилоятда ҳам битта ракета уриб туширилган.
Саудия Энергетика вазирлиги Saudi Aramco компаниясининг Ар-Риёддаги маъмурий биноси «ҳужумга уриниш» натижасида тушган қолдиқлардан шикастланганини маълум қилди. Вазирликка кўра, зарар чекланган, қурбонлар ва жароҳатланганлар йўқ. Reuters мухбири Қирол Абдуллоҳ номидаги молия туманидаги энг баланд бинолардан бири - Aramco минорасининг бир неча қаватида ойналар синиб тушганини кўрган.
Саудия Энергетика вазирлиги бинога етган зарар чекланганини айтган бўлса-да, BBC Verify ҳақиқийлигини тасдиқлаган кадрлар шикаст анча жиддийроқ эканини кўрсатмоқда. Видеода камида бир қават ракета ёки дрон зарбасидан қаттиқ шикастлангани, бир неча қаватдаги ойналар эса синиб кетгани кўринади.
Вазирлик ҳужумни ким уюштирганини айтмади, бироқ ҳусийлар уни ўз зиммасига олди. Гуруҳнинг ҳарбий вакили Яҳё Сари шу кунги ҳужумларда Қирол Холид номидаги халқаро аэропорт ҳам нишонга олинганини айтди, аммо Саудия расмийлари буни тасдиқламади. Коалиция эса Яманнинг Саъда ва Сано ҳудудларида ҳусийлар ҳужумда фойдаланган баллистик ракета учириш мосламалари йўқ қилинганини
