2019 yilga qadar Hindistonda atom elektr stansiyalarining 4ta reaktori qurib bitiriladi

Kun.uz: Hindiston 2019 yilga qadar ikkita atom elektr stansiyasidagi reaktorlarni qurib bitirishni rejalashtirmoqda. Atom energetikasi va koinot masalalari vaziri Jitendra Singxning ma'lum qilishicha, loyiha xorijiy hamkorlarsiz amalga oshirilmoqda. “Bugungi kunda xorijiy hamkorliksiz to‘rtta atom reaktori qurilmoqda, bular Gujoratdagi “Kakrapar” AESning uchinchi va to‘rtinchi reaktorlari, har birining quvvati 700 megavatt, hamda Rajastondagi “Ravabxata” AESning yettinchi va sakkizinchi reaktorlari, ular ham shunday quvvatga ega”, - deyiladi vazir tomonidan parlament murojaatiga yo‘llangan javobda. Bundan tashqari, Tamilnad shtatining Kalpakkam shahri yaqinidagi 500 megavatt quvvatga ega tezkor reaktor prototipining bino etilishi ham yakuniy bosqichiga yetib kelgani ma'lum qilingan.