Kun.uz: Rossiya prezidenti Vladimir Putinning fikricha, dunyoning barcha mintaqalari barqaror rivojlanishi jahon hamjamiyatining hamkorlikdagi harakatlaridan ko‘zlangan asosiy yo‘nalish bo‘lishi kerak. Bu haqda u Milanda bo‘lib o‘tayotgan EKSPO-2015 Xalqaro ko‘rgazmasi ishtirokchilari va mehmonlariga yo‘llagan telegrammasida aytib o‘tdi. Bugun Italiyaning Milan shahrida EKSPO-2015 Xalqaro universal ko‘rgazmasining ochilish marosimi bo‘lib o‘tdi. Tadbir 31 oktabrga qadar davom etadi. EKSPO-2015 “Sayyorani ta'minlash. Hayot quvvati” shiori ostida o‘tmoqda. Putinning ta'kidlashicha, ushbu shior BMT tomonidan belgilab berilgan rivojlanish maqsadlariga to‘la mos keladi.