Qozog‘iston prezidenti Nursulton Nazarboyev ichki ishlar vazirligining ba'zi xodimlariga oliy harbiy va maxsus unvonlar berish to‘g‘risidagi qarorni imzoladi. Qaror matni prezidentning rasmiy saytida e'lon qilindi.
Hujjatga muvofiq Qozog‘iston ichki ishlar vaziri Qalmuxanbet Qosimovga politsiya general-polkovnigi, uning birinchi o‘rinbosari Marat Demevovga esa politsiya general-leytenanti maxsus unvoni berildi.
Shuningdek, vazirlikning bir qator xodimlari general-leytenant, general-mayor harbiy unvonlari hamda politsiya general-mayori maxsus unvoni bilan taqdirlandi.
