Islom Karimov Moskvadagi G‘alaba paradiga boradi

O‘zbekiston Prezidenti Islom Karimov Moskvada Ikkinchi jahon urushidagi g‘alabaning 70 yilligiga bag‘ishlangan tadbirlarda ishtirok etadi. Bu haqda Interfaks xabar bermoqda.

Rossiya prezidenti yordamchisi Yuriy Ushakovning so‘zlariga ko‘ra, Islom Karimov Vladimir Putinning taklifini qabul qilgan. Rossiya prezidenti matbuot kotibi Dmitriy Peskov ham “O‘zbekiston prezidenti 9 may kuni Moskvada bo‘lishi haqida axborot olinganini” ma'lum qilgan.

Avvalroq “Noviy vek” gazetasi O‘zbekiston prezidenti matbuot xizmati vakiliga asoslanib Islom Karimov 9 may kuni Moskvaga bormasligi, O‘zbekistonda bo‘ladigan Xotira va qadrlash kuni tadbirlarida faol ishtirok etishi haqida xabar bergandi.