«Bavariya» yozgi transferlar uchun 100 mln. yevro ajratadi

Myunxenning «Bavariya» klubi yozgi transferlar paytida sotib olishni rejalashtirgan futbolchilardan iborat ro‘yxatni tuzib oldi. Bu haqda Bild nashri xabar tarqatmoqda.

Manbaning ma'lum qilishicha, nemis klubi short-listidan «Atletiko» yarimhimoyachisi Antuan Grizmann, «PSJ» futbolchisi Marko Verratti va «Latsio»da kashfiyot deya qaralayotgan Felipe Anderson o‘rin olishgan.

Shuningdek, «Bavariya» qiziqish bildirgan futbolchilar orasida «Volfsburg» yarimhimoyachisi Kevin de Bryuyne ham bor.

Ta'kidlanishicha, Germaniyaning amaldagi chempionlari yangi futbolchilarni sotib olish uchun 100 million yevro mablag‘ ajratgan.