Polsha prezidenti 8 mayni G‘alaba kuni deb e'lon qildi

Polsha prezidenti Bronislav Komorovskiy endilikda 8 may mamlakatda yangi davlat bayrami – G‘alaba milliy kuni sifatida nishonlanishi haqidagi farmonni imzoladi. Bu haqda “TASS” axborot agentligi xabar bermoqda. 

Farmonga ko‘ra, 1945 yil 9 maydan G‘alaba va ozodlik milliy bayrami sifatida nishonlab kelingan bayram bekor qilindi. Hujjatda yangi bayram “fashist Germaniya ustidan g‘alaba haqidagi xotirani umrbod saqlab qolish maqsadida” kiritilayotgani aytilgan.