Rossiya prezidenti Vladimir Putin parad ishtirokchilari oldida so‘zlagan kirish nutqida irqiy ustunlik va fashizm g‘oyalaridan kelayotgan xavfni “ma'rifatli Yevropa” o‘z vaqtida payqamaganini ta'kidlab o‘tdi.
“Fashizm va irqiy ustunlik g‘oyalarining insoniyatga solayotgan tahdidini “ma'rifatli” Yevropa o‘z vaqtida payqamadi. Bugungi kunda bu g‘oyalarning qayta bosh ko‘tarishiga qarshi kurashish uchun birlashishimiz va jipslikda harakat qilishimiz talab etiladi”, - dedi Rossiya yetakchisi o‘z chiqishida.
Eslatib o‘tamiz, Moskva shahrida Ikkinchi Jahon urushida qozonilgan g‘alabaning 70 yilligiga bag‘ishlangan parad davom etmoqda. Tadbir Rossiyaning barcha asosiy telekanallari, shuningdek, internet nashlari orqali to‘g‘ridan-to‘g‘ri efirga uzatilmoqda va yozma ravishda yoritib borilmoqda.
