Moskva shahrida Ikkinchi Jahon urushida qozonilgan g‘alabaning 70 yilligiga bag‘ishlangan parad bo‘lib o‘tdi. U yakunlanganidan so‘ng, Rossiya prezidenti va Oliy Bosh qo‘mondoni Vladimir Putin paradda ishtirok etgan harbiy qismlar komandirlarining oldiga tushib ularni qutladi.
Shundan so‘ng Putin xorijiy delegatsiyalar rahbarlari bilan birgalikda Noma'lum askar qabriga yo‘l oldi. Rossiya rahbariyati hamda mehmonlar tomonidan ushbu ramziy qabr poyiga gulchambarlar qo‘yildi.
Eslatib o‘tamiz. paradda 16.5 ming harbiy xizmatchi ishtirok etdi. U ko‘plab telekanallar va bosma nashrlar orqali yoritib borildi.