Checheniston rahbari Ramzon Qodirov No‘g‘ayyurt tuman ichki ishlar bo‘limi rahbari Najud Guchigovga hali maktabda o‘qiydigan 17 yoshli qizni ikkinchi xotin sifatida nikohiga olishiga ruxsat berdi. “Novaya gazeta”da yozilishicha, bu masalani Qodirov mahalliy televideniye efirida “hal qilgan”.
Qodirov to‘g‘ridan-to‘g‘ri efir chog‘ida qizning ota-onasining munosabatini aniqlashni topshirgani, ularning bu nikohga qarshi emasligi ma'lum bo‘lgach, o‘z ruxsatini berganini ma'lum qilgan.
Gazetaning eslatib o‘tishicha, Guchigov 57 yoshda. Endi 17 yoshli Xeda Goylabiyeva uning ikkinchi turmush o‘rtog‘iga aylanadi. To‘y 10 may kuni bo‘lib o‘tadi.
