Lavrov va Kerri Sochida uchrashadi

Rossiya va AQSh tashqi ishlar vazirlari Sergey Lavrov va Jon Kerri 12 may kuni Sochida uchrashadi. Bu haqda RIA Novosti agentligi ma'lumot berdi.
Ma'lum bo‘lishicha, uchrashuv chog‘ida Ukraina, Yaman, Suriya va Erondagi vaziyat muhokama qilinadi. Ta'kidlanishicha, ushbu xalqaro muhokamalar borasida ochiq fikr almashiladi.

Kerri uzoq vaqtdan beri Rossiyaga tashrif buyurishni orqaga surib yurgan edi. Uning nihoyat kelishga qaror qilgani rossiyalik mutaxassislarda ijobiy fikr uyg‘otmoqda.