16:30 / 14.05.2015
2210

Pashsha miyasida tug‘ma kompas borligi aytildi

Biologlarning fikricha, pashsha miyasida o‘ziga xos tug‘ma kompas mavjud. Bu bir guruh neyron bo‘lib, pashshaning yo‘nalish tanlashiga javob beradi. Ushba tadqiqotga bag‘ishlangan maqola Nature jurnalida chop etildi.

Ko‘pgina jonivorlarning miyasida shunga o‘xshash ichki kompas bor; uning yordamida jonivorlar u yerdan bu yerga ko‘chib yuradi, ovqat qidiradi va h.k.
Bunday tizimning pashshalarda ham bor-yo‘qligini aniqlash uchun olimlar ularni maxsus makonga joylashtirib, miya faoliyatini o‘rganib chiqishdi. Natijada pashsha miyasining ellipssimon bo‘linmasida kompas vazifasini bajaruvchi neyronlar joylashgani aniqlandi.

Top