Oliy ligada 9-tur o‘yinlari o‘tkazilmoqda

14 may kuni Oliy ligada 9-tur o‘yinlariga start berildi. Birinchi kuni "Lokomotiv" safarda "Olmaliq"qa qarshi maydonga tushdi. 15 may kuni Toshkentning "Bunyodkor" jamoasi o‘z maydonida Muborakning "Mash'al" jamoasini qabul qildi. Shu kuni Qarshining "Nasaf" jamoasi o‘z uyida Bekobodning "Metallurg" jamoasi bilan o‘ynadi.

Toshkent viloyatiga safar qilgan "Lokomotiv" 2:2 hisobidagi durang va 1 ochko bilan qaytdi. Gollarni mezbonlar safida Jahongir Abdumo‘minov (5) va Shavkat Salomov (70) urgan, "temiryo‘lchilar" safida esa Sanjar Shoahmedov (67) hamda Lutfulla To‘rayev (86) gollarga mualliflik qilgan. "Lokomotiv" 9 o‘yindan 18 ochko to‘plagan holda to‘rtinchi o‘rinni egallab turibdi.

"Bunyodkor" jamoasi "Mash'al" bilan o‘yinda mavsumdagi birinchi yirik hisobdagi g‘alabasini qayd etdi. Sardor Rashidov (13), Temur Ayupov (16), Sardor Sobirxo‘jayev (21) va Shaker Zuagi (36) tomonidan kiritilgan gollar 4:0 hisobidagi g‘alabani ta'minladi. Endilikda "qaldirg‘ochlar" jamoasida 8ta o‘yindan keyin 15 ochko jamg‘arilgan va jamoa turnir jadvalida oltinchi o‘rinda ketmoqda.

"BUNYoDKOR" - "MASh'AL" - 4:0

Gollar: Sardor Rashidov (13), Temur Ayupov (16), Sardor Sobirxo‘jayev (21), Shaker Zuagi (36)

Turning uchinchi o‘yini "Nasaf" va "Metallurg" o‘rtasida o‘tkazilib, bu o‘yinda kichik sensatsiya kuzatildi. Mehmonlar vakili A.Nomonov 15-daqiqada urgan gol o‘yin taqdirini hal qildi. Bu mag‘lubiyatdan keyin "Nasaf" 19 ochko bilan ikkinchi o‘rinda qoldi.

"NASAF" - "MeTALLURG" - 0:1

Gol: Ayubxon No‘'monov (5)

16 may kuniga "Paxtakor"-"Neftchi", "Andijon"-"Navbahor", "Qo‘qon-1912"-"Sho‘rtan", "Dinamo"-"So‘g‘diyona" hamda "Buxoro"-"Qizilqum" o‘yinlari belgilangan.