Iron Maiden guruhining xonandasi Bryus Dikinson saraton xastaligini yengdi. Bu haqda The Guardian nashri xabar berdi.
Dikinsonga o‘tgan yilning oxirida saraton diagnozi qo‘yildi. Yetti hafta davom etgan kimyo va radioterapiyadan so‘ng MRT tekshiruvlari uning organizmi o‘simtadan xalos bo‘lganini ko‘rsatdi.
Guruh saytida 56 yoshli Dikinson ishga qaytishni sabrsizlik bilan kutayotganligini ma'lum qildi. Shunga qaramay, Iron Maiden yakkaxonining to‘la davolanib olishi uchun 2016 yilda gastrol konsertlarini uyushtirmaydi.
