Nukusda pravoslav ibodatxonasi qad ko‘taradi

Nukus shahrining markazida yangi pravoslav ibodatxonasining qurilishi rejalashtirilmoqda. Bu haqda "Gazeta.uz" xabar bermoqda.  Toshkent va O‘zbekiston yeparxiyasi matbuot xizmatining ma'lumot berishicha, u shahid avliyo va tabib Panteleimon sharafiga nomlanadi.

Yangi binoning qurilishi masalalari 18 may kuni Qoraqalpog‘iston Jo‘qarg‘i Kengesi raisi Musa Yerniyazovning Nukus hokimi Jalg‘asbay Opayev hamda Toshkent va O‘zbekiston mitropoliti O‘rta Osiyo mitropolitlik okrugi rahbari Vikentiylarning uchrashuvi chog‘ida muhokama qilindi.

Ayni paytda Nukusda Panteleimon sharafiga nomlangan bitta ibodat uyi faoliyat ko‘rsatmoqda. O‘zbekistonda jami 38 pravoslav ibodatxonalari bo‘lib, Toshkentda 5ta va Samarqandda 3ta pravoslav jamoalari bor. Bundan tashqari, Chirchiqda yagona erkaklar ibodatxonasi mavjud.