Britaniyada 180 kg li akula tutildi

Kornuoll qirg‘oqlarida britaniyalik baliqchi Mark Nelson 180 kg vaznga ega akulani tutib oldi. The Daily Express nashrining ma'lum qilishicha, uni tutishga 45 yoshli baliqchi 1.5 soat sarflagan.

Baliqchining kemasi 5.5 m uzunlikka ega bo‘lishiga qaramay, akulani unga sig‘dirishning iloji bo‘lmadi. Shu bois Nelson akulani o‘lchab, suratga oldi va shundan so‘ng jonivorni qo‘yib yubordi.
Baliqchining so‘zlariga qaraganda, ilgari u 136 kg li akulani tutganidan boshi osmonga yetgan edi.

“Ikkinchi safar bundan kattaroq akulani tutar ekan, qarmog‘imga suv osti kemasi ilinganday bo‘ldi”, – qo‘shimcha qildi u.