Buxoroning Qorako‘l tumanida aka-uka Murod va Usmon Turobovlar o‘rtasida kelib chiqqan janjal ulardan birining o‘limi bilan yakunlandi. Bu haqda “Huquq” gazetasi xabar bermoqda.
Aytilishicha, aka-ukalar bir shisha aroqni ichib, mast holda bo‘lishgan. Arzimas masaladan janjal chiqib, ular yoqalasha boshlagan. O‘zini unutib qo‘ygan Usmon g‘isht bilan akasining boshiga zarba bergan. Murod Turobovning joni voqea joyida uzilgan.
Aka-ukalarning sudda ko‘rsatma bergan ota-onasi Ramazon va To‘xtagul Turobovlar o‘g‘illariga yengilroq jazo berishni so‘rashgan.