Bugun Oliy liga 10-tur o‘yinlariga start beriladi

Bugun O‘zbekiston milliy chempionati - Oliy liga musobaqalarining 10-tur uchrashuvlariga start beriladi. Shanba kuniga yettita o‘yin belgilangan. Bitta uchrashuv esa, ertaga bo‘lib o‘tadi. 

Demak, bugun Toshkentning "Paxtakor" jamoasi safarda "So‘g‘diyona" mehmoni bo‘ladi. Samvel babayan shogirlarining ochko yo‘qotishga haqqilari yo‘q. Aks holda, yetakchilik boy berilishi mumkin.

"Bunyodkor" o‘z maydonida "Dinamo"ni qabul qiladi. So‘nggi paytlarda o‘z o‘yinini topib borayotgan "qaldirg‘ochlar" bu safar ham uch ochko ilinjida maydonga chiqishadi. 

Namanganda futbol ishqibozlarini "Navbahor" hamda "Olmaliq" klublari o‘rtasidagi qiziqarli bo‘lgan o‘yin kutmoqda. Xuddi shu gapni Bekobod misolida ham aytish mumkin.

Farg‘onada turning markaziy o‘yini o‘tkaziladi. Mahalliy "Neftchi" jamoasi o‘z maydonida "Nasaf" klubini qabul qiladi. Mana shu o‘yinda ko‘p narsalarga oydinlik kiritiladi.

"Mash'al" - "Qizilqum" bahsi ham shular jumlasidan. "Temiryo‘lchilar" bo‘lsa, ertaga qo‘qonliklarga qarshi maydonga chiqishadi.

Ushbu tur anonsi bilan tanishing: