"Real" hamda "Xetafe" jamoalari o‘rtasidagi uchrashuv Ispaniya chempionati o‘z nihosiga yetdi.
Musobaqada "Barselona" jamoasi 94 ochko to‘plagan holda birinchi o‘rinni egaladi. Ikkinchi pog‘ona Madridning "Real" klubiga, uchinchi o‘rin esa, o‘tgan yilgi chempion – "Atletiko"ga nasib etdi. Chempionlar ligasi saralash bosqichidan kurash olib borish imkoniga "Valensiya" klubi erishdi. Yevropa ligasi musobaqasida ishtirok etish imkonini Sevilya (guruh bosqichidan) hamda Vilyarreal (saralash bosqichidan) qo‘lga kiritdi.
"Real" 118ta gol urib, eng ko‘p gol urgan jamoa bo‘ldi. "Barselona" 21ta gol o‘tkazib, kam gol o‘tkazgan jamoa nomiga sazovor bo‘ldi.
"Eybar", "Almeriya" hamda "Kordoba" jamoalari La-ligani tark etishdi.
Musobaqa to‘purari nomiga 48ta gol urishga muvaffaq bo‘lgan "Real" hujumchisi Krishtianu Ronaldu sazovor bo‘ldi. Bu portugaliyalik futbolchi uchun futbolchilik faoliyatidagi eng yaxshi natija bo‘ldi. Ikkinchi o‘rinni "Barselona" hujumchisi Lionel Messi (43), 3-o‘rinni "Atletiko" futbolchisi Antuan Grizmann (22) egalladi.