Blatter: “Platini mendan ketishimni so‘radi”

FIFA prezidenti lavozimiga qayta saylangan Yozef Blatter UYeFA prezidenti Mishel Platini unga iste'foga chiqishni taklif qilganining tavsilotlarini keltirib o‘tdi.
“Avval Platini mendan uchrashishni so‘radi, so‘ngra xuddi do‘stlardek menga viski ichishni taklif qildi. Men rad javobini berganimda, u menga jiddiy ravishda nutq bilan chiqishimni va bu nutq oxirida o‘z lavozimimdan ketishimni e'lon qilishimni aytdi.
Oxirgi kunlarda sodir bo‘lgan voqealar ko‘nglimni xira qildi. Men Platini saylovdan oldingi kechada barcha futbol uyushmalariga menga qarshi ovoz berishni so‘rab maktub yo‘llaganini bilaman”, deb aytmoqda Blatter.