Qozog‘iston prezidenti Nursulton Nazarboyev otasi va bobosini yodga oldi. Zakon.kz resursining xabar berishicha, Xorijiy investorlar kengashi yig‘ilishi chog‘ida Yevropa tiklanish va taraqqiyot banki prezidenti Suma Chakrabarti Nazarboyevning bobosi qishloq tegirmoniga egalik qilganini eslatib o‘tgan. Bunga javoban davlat rahbari quyidagilarni aytgan:
“Bobomni eslaganingiz menga ma'qul tushdi. U tegirmon egasi edi, boy odam hisoblanar edi. Ammo otam keyinchalik sovet hukumati ta'qibiga uchramaslik uchun o‘zini kambag‘al deb tanishtira boshlagan”.
