Sirg‘ali bog‘i 2015 yilning oxiriga qadar ochiladi

2015 yilning ikkinchi yarmi davomida “Yangi Sirg‘ali” madaniyat va istirohat bog‘ini qayta ta'mirdan chiqarish ishlari amalga oshirilib, foydalanishga topshiriladi. Bu haqda madaniyat vazirligining maktubiga tayangan holda Uz24 nashri xabar bermoqda.

Aytilishicha, bog‘ “Kamolot” yoshlar tashabbuslari markazi balansidan chiqarilib, Toshkent shahar kengashi ixtiyoriga topshirilgan.

Bundan tashqari, Olmazor tumanidagi “Oymomo” bog‘ida ham ta'mirlash ishlari davom etayotgani xabar qilinmoqda. Shartnomaga binoan, u Open Garden MChJga ijaraga berilgan. Kompaniya u yerdagi attarktsionlarni tiklash ishlarini amalga oshirmoqda.