Yunusoboddagi issiqxonadan nasha topildi

Toshkent shahrining Yunusobod tumanida istiqomat qiluvchi Alijon ismli shaxsning o‘z uyida nasha o‘stirib kelgani aniqlandi. Bu haqda shahar ichki ishlar bosh boshqarmasi matbuot xizmati xabar bermoqda.

Aytilishicha, uning poliz ekinlariga mo‘ljallangan issiqxonasining burchagidan 2 tup nasha o‘simligi ekib parvarish qilingani aniqlangan. Voqea yuzasidan ish qo‘zg‘atilib, qonunbuzar javobgarlikka tortilgan.