O‘zbekiston YuNVTO yig‘ilishida ishtirok etadi

18-20 iyun kunlari XXRning Sian shahrida YuNVTO tashkilotining Ipak yo‘lidagi turizmga bag‘ishlangan 7-xalqaro yig‘ilishi bo‘lib o‘tadi. Tadbir ishida Yevropa va Osiyoning 40 davlatidagi yetakchi turistik tashkilotlar vakillari ishtirok etadi. Ushbu davlatlar qatorida O‘zbekiston ham bo‘ladi.

Tadbirda O‘zbekiston vakillari sifatida “O‘zbekturizm” milliy kompaniyasi rahbariyati ishtirok etadi.

Forumning asosiy mehmoni BMT butunjahon turistik tashkiloti bosh kotibi Tolib Rifoiy bo‘ladi. Tadbir davomida “Buyuk Ipak yo‘li” brendini targ‘ib qilish, unga bo‘lgan talabni oshirish, sohadagi hamkorlikni yanada chuqurlashtirish masalalari muhokama qilinadi.