Nokia`ning sobiq rahbari Stiven Elop Microsoft`dan ketmoqda

Nokia`ning sobiq rahbari Stiven Elop kompaniya qayta tashkillashtirilayotgani sababli Microsoft`ni tark etdi. Bu haqda Microsoft`ning rasmiy saytida xabar berildi.

Microsoft tomonidan Nokia`ning mobil bo‘limi sotib olingandan keyin Elop Microsoft`ning xizmatlar va qurilmalar bo‘yicha vitse-prezidenti etib tayinlandi. Elop, xususan, Lumia smartfonlari yaratilishi va ishlab chiqarilishiga javob bergan.

Elop boshchilik qilgan bo‘lim Windows dasturchilari guruhi bilan birlashmoqda va endi kompaniyaning bu yangi bo‘limi Windows and Devices Group deb ataladi. Bu bo‘limga hozirda operatsion tizimlarga javob beruvchi Terri Mayyerson boshchilik qiladi.

Elop Nokia`ga o‘tishdan avval ham Microsoft`da ishlagan va Office dasturlar paketining ilgari surilishi uchun javob bergan.