Iliya Yorga Toshkentda mahorat maktabi o‘tkazadi

An'anaviy Fudokan karate xalqaro federatsiyasi prezidenti Iliya Yorga O‘zbekistonga tashrif buyuradi. Aytilishicha, bu uning mamlakatga to‘rtinchi tashrifi bo‘ladi.
Iliya Yorga karateda Fudokan yo‘nalishining asoschisi, 10-dan qora belbog‘ sohibi, bir necha bor jahon va Yevropa chempionatlari g‘olibi, shuningdek, tibbiyot doktori, Belgrad universitetining professori hisoblanadi. U O‘zbekistonga mahalliy fudokan karate federatsiyasi prezidenti, jahon chempioni, 6-dan sohibi Shuhrat Anvarovning taklifiga binoan tashrif buyurmoqda.
25-27 iyun kunlari 76 yoshli Yorga 6-35 yoshdagi 200 nafar sportchiga bir nechta mahorat maktabi va o‘quv-metodik seminarlar o‘tadi.